پاکستان میں گاڑیوں کی قیمتیں آسمانوں سے باتیں کررہی ہے۔ تاہم مہنگی گاڑیاں خریدنے کے باوجود، صارفین کو بین الاقوامی معیار کی گاڑیاں نہیں دی جاتی ہیں۔ جبکہ پاکستان میں موجود گاڑیاں بنانے والی بڑی کمپنیاں، گاڑیوں میں اب تک بین الاقوامی معیار کے سیفٹی لیول نہیں دیا جاتا۔
سوشل میڈیا پر ایک ویڈیو وائرل ہو رہی ہے جس میں دیکھا جا سکتا ہے کہ کس طرح ایک بڑی کمپنی کی گاڑی کا 2020 کاماڈل میں ہائی وے پر جاتے ہوئے اچانک اس میں آگ بھڑک اٹھی۔
تفصیلات کے مطابق چند دن قبل سیالکوٹ سے فیصل آباد کے درمیان ہائی وے پر گاڑی میں اچانک آگ بھڑک اٹھی۔ جبکہ سوشل میڈیا پر کی گئی پوسٹ میں بتایا گیا ہے کہ گاڑی کی کل مالیت 38 لاکھ روپے تھی۔
گاڑی کے مالک کا کہنا ہے کہ وہ اپنی فیملی کے ساتھ موٹر وے پر سیالکوٹ سے فیصل آباد کی جانب جا رہے تھے کہ اچانک ہارن اور وائپر تیزی سے چلنا شروع ہوگئے۔ جبکہ کچھ لمحوں بعد گاڑی میں سے دھواں اٹھنا شروع ہوگیا تھا۔
گاڑی کے مالک نے کہا کہ جب اس نے دھواں اٹھتا ہوا دیکھا تو فوراً گاڑی سے گیا تھا۔ اور دیکھتے ہی دیکھتے آگ نے پوری گاڑی کو اپنے لپیٹ میں لے لیا۔
تاہم سوشل میڈیا صارفین کی جانب سے شدید غصّے کا اظہار کیا جارہا ہے۔