پیسے چھپانے کی کوئی اور جگہ نہ ملی تو پیسوں کو پائپ لائن میں چھپا دیا تاکہ پکڑ نہ ہوسکے لیکن بھارتی ریاست کرناٹکا میں اینٹی کرپشن بیورو نے چھاپہ مار کر ایک گھر پائپ لائن میں چھپے لاکھوں روپے برآمد کر لیئے۔
کرناٹکا کے شانتھا گوڈھا ایم برادر ایک جونیئر سرکاری انجینئر ہیں جنہوں نے اپنے گھر میں کرپشن کے ذریعے کمائے ہوئے لاکھوں روپے مختلف جگہوں پر چھپا کر رکھے تھے۔
ان کے گھر کی تلاشی کے دوران پائپ لائن میں چھپائے گئے 13 لاکھ بھارتی روپے برآمد کیئے گئے ہیں۔
یہاں تک کہ گھر کی کھڑکیوں اور دروازوں تک میں بھی لاکھوں روپے چھپائے گئے تھے جن کی کل مالیت بھارتی 58 لاکھ روپے ہے۔
کرنسی نوٹ پائپ لائن میں چھپانے کی اطلاع پراینٹی کرپشن بیورو کےحکام نے پلمبرکی مدد سے پائپ لائن سے نوٹ برآمد کئے۔ پائپ لائن خصوصی طورپرنوٹ چھپانے کے لئے ہی بنوائی گئی تھی۔