لاہور:وکیل کی اسسٹنٹ کے قتل کا معمہ حل،خاتون گرفتار

image

فائل فوٹو

پولیس نے لاہور میں وکیل کی اسسٹنٹ کے قتل کا معمہ حل کرلیا۔ مقتولہ کو سوتن نے شوٹر کے ذریعے قتل کرایا تھا۔

پولیس کے مطابق ملزمہ نے اجرتی قاتل سے 2 لاکھ روپے میں قتل کرنے کیلئے معاملات طے کیے تھے اور اسلحہ بھی فراہم کیا تھا۔ پولیس نے جائے وقوعہ سے ملنے والی سی سی ٹی وی فوٹیج کے ذریعے قاتل کا سراغ لگایا اور گرفتار کیا۔

قاتل نے دوران تفتیش شریک جرم رابعہ کا نام بتایا، جس کے کہنے پر اجرتی قاتل نے اسسٹنٹ کو قتل کیا تھا۔

شریک ملزمہ نے دوران تفتیش قتل کی واردات کا اعتراف کرتے ہوئے بتایا کہ شوہر کی عدم توجہ اور خرچہ نہ دینے پر عقیلہ کو قتل کرایا۔ واردات کیلئے شوٹر کو ایک لاکھ روپے ایڈوانس ادا کیے۔

پولیس کے مطابق ملزمہ رابعہ کے ملازم چاند نے بھی واردات میں معاونت کی۔ تمام ملزمان کو جلد عدالت میں پیش کردیا جائے گا۔

واضح رہے کہ گزشتہ ماہ 14 اکتوبر کی صبح مقتولہ عقیلہ سبحانی لاہور کے علاقے جوہر ٹاؤن میں گھر سے دفتر جانے کیلئے نکلی تو نامعلوم ملزم نے گاڑی پر اندھا دھند فائرنگ کی، جس سے عقیلہ موقع پر ہی جاں بحق ہوگئی تھی۔


News Source   News Source Text

WATCH LIVE NEWS

مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.