سندھ:پولیس افسران کے تبادلوں کامعاملہ شدت اختیارکرگیا

image

وفاق اور سندھ حکومت کے درميان افسران کے تبادلوں کامعاملہ شدت اختیارکرگیا۔

پنجاب حکومت نے وفاق کے حکم پر 4 ڈی آئی جیزکی کو ریلیو کرتے ہوئے ان کی خدمات سندھ حکومت کےحوالےکردیں جبکہ حکومت سندھ انہیں قبول کرنے کو تیار نہیں۔

نوٹیفکیشن کے مطابق جن 4 ڈی آئی جیزکی خدمات سندھ حکومت کےحوالےکی گئی ہیں ان میں ضعیم اقبال، خرم علی، احمدارسلان اورانعام وحید شامل ہیں۔

جبکہ وفاق نے سندھ کے 8 ڈی آئی جیز سے کہا ہے کہ وہ اپنے چارج چھوڑ دیں۔ ان افسران میں مقصود احمد، نعیم احمد شیخ، ثاقت اسماعیل میمن، محمد نعمان صدیقی، جاوید اکبر ریاض، یونس چانڈیو، عبداللہ شیخ اور عمر شاہد حامد شامل ہیں۔

تاہم سندھ حکومت افسران کو چھوڑنے کے لیے بھی تیارنہیں جس سے افسران تذبذب کا شکار ہیں اور وفاق اورسندھ حکومت کی رسہ کشی میں یہ افسران چکی کے دو پاٹوں میں پستے دکھائی دے رہے ہیں۔


News Source   News Source Text

WATCH LIVE NEWS

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.