ایک ایسا شہری منظر عام پر آیا ہے جو طیارے کے لینڈنگ گئیر میں چھپ کر امریکہ پہنچ گیا۔
اکثر ایسے معاملات میں انسانی جان کو خطرہ لاحق ہوتا ہے کیونکہ ایسا کرنے سے موت بھی ہوسکتی ہے۔ لیکن گوئٹے مالا کے ایک شہری نے لینڈنگ گئیر میں چھپ کر ڈھائی گھنٹے کا سفر طے کر کے سب کو حیران کر دیا۔
غیر ملکی میڈیا رپورٹ کے مطابق طیارے کی ائیرپورٹ پر لینڈنگ کے بعد شہری کو امریکی امیگریشن حکام کی تحویل میں دے دیا گیا جو اس معاملے کی تحقیقات کر رہی ہے۔
تصاویر میں دیکھا جاسکتا ہے کہ مذکورہ شخص جینز، ٹی شرٹ، جیکٹ اور جوتے پہنا ہوا ہے بصورت دیگر اس کو کوئی نقصان نہیں پہنچا۔
امریکی کسٹمز اینڈ بارڈر پروٹیکشن (سی بی پی) ایجنسی نے تصدیق کی ہے کہ اس شخص کی عمر 26 سال ہے اور اسے گوئٹے مالا سٹی سے امریکی شہر میامی تک ڈھائی گھنٹے کے سفر کے بعد ہسپتال لے جایا گیا تھا۔