عالمی اور مقامی مارکیٹ میں سونے کی قیمتوں میں اضافے کا سلسلہ جاری ہے، آج بھی سونے کی قیمت میں اضافہ ریکارڈ کیا گیا۔
آل پاکستان جیمز اینڈ جیولرز ایسوسی ایشن کے مطابق فی تولہ سونے کی قیمت میں منگل کے روز 3 ہزار 200 روپے کا اضافہ ہوا، جس کے بعد فی تولہ سونا 4 لاکھ 67 ہزار 962 روپے کا ہوگیا۔
10 گرام سونے کی قیمت میں 2 ہزار 743 روپے کا اضافہ ہوا، جس کے بعد 10 گرام سونا 4 لاکھ 1 ہزار 201 روپے کا ہوگیا۔
عالمی مارکیٹ میں 32 ڈالر اضافے کے بعد فی اونس سونا 4ہزار 456 ڈالر کی سطح پر پہنچ گیا۔