ہینگ ہزاروں سال پرانی ایک جڑی بوٹی اور نباتاتی دوا ہے، جبکہ کئی دہائیوں سے ہینگ کا استعمال پاک و ہند کے رہنے والے اپنے کھانوں اور ادویات میں کرتے آ رہے ہیں، ہینگ کو گھریلو نسخوں میں بکثرت استعمال کیا جاتا ہے، ایسے ہی چند بہترین نسخے لیے آج ہم حاضر ہوئے ہیں۔
ہینگ کے استعمال سے امراضِ قلب، نظامِ ہاضمہ کھانسی، بلغم، پیٹ درد اور دیگر کئی بیماریوں سے بچا جا سکتا ہے، آیئے اس کے مزید فوائد پر ایک نظر ڈالتے ہیں۔
ہینگ کے حیرت انگیز فوائد اور طریقہ استعمال
• نزلہ، کھانسی، دمہ
ہینگ میں اینٹی بائیوٹک خصوصیات موجود ہوتی ہیں جس کی وجہ سے یہ نزلہ، خشک کھانسی، بلغمی کھانسی اور دمہ سے چھٹکارا پانے کے لئے بہترین ہے، بلغمی کھانسی میں ہم وزن سونٹھ پاؤڈر اور شہد میں ایک چٹکی ہینگ ملا کر استعمال کرنے سے سے بلغمی کھانسی میں آرام ملتا ہے۔
• پیٹ درد
ہینگ پیٹ درد میں آرام لانے اور نظامِ ہاضمہ کو بہتر بنانے کے لئے بھی مفید ہے، جگر کا ورم ہو، بد ہضمی ہو، گردے کا درد ہو یا بھوک کی کمی اس کے لئے خالی پیٹ میں نیم گرم پانی میں ایک چٹکی ہینگ ڈال کر یہ پانی پی لیں۔
• دانت کا درد
اگر دانت میں درد ہو اور کسی صورت آرام نہ آئے تو ہینگ سے بہتر کچھ نہیں، بس جس بھی دانت میں درد ہو وہاں ہینگ کا ایک چھوٹا ٹکڑا یا ایک چٹکی پاؤڈر رکھ لیں درد مین فوری آرام آئے گا۔