یورپی یونین نے چین سے خاتون ٹینس پلئیر کی حفاظت کے لئے قابل تصدیق ثبوت کا مطالبہ کر دیا

image

یورپی یونین نے چینی حکام سے خاتون ٹینس کھلاڑی پین شوآئی کی حفاظت کے حوالے سے قابل تصدیق ثبوت کا مطالبہ کر دیا۔

یورپی یونین نے تفتیشی حکام سے بھی مطالبہ کیا ہے کہ ٹینس کھلاڑی کو جنسی طور پر ہراساں کئے جانے کے کیس کی شفاف تحقیقات کی جائیں۔

تین مرتبہ اولمپک کھیلنے اور عالمی ٹینس ڈبلز کی ٹاپ رینکنگ میں شمار کی جانے والی چینی خاتون ٹینس پلئیرچند روز قبل پراسرار طور پر گم ہو گئی تھیں۔

پینگ شوآئی نے چین کی کمیونسٹ پارٹی کے ایک سابق افسر پر جنسی طور پر ہراساں کرنے کا الزام عائد کیا تھا، انہوں نے یہ الزام اپنے سوشل میڈیا اکاؤنٹ پر لکھا تھا، جو چند منٹوں کے بعد ہی ڈیلیٹ کر دیا گیا اور اس کے بعد وہ پراسرار طور پر غائب ہو گئی تھیں۔

خاتون ٹینس پلئیر نے منظر عام پر آنے کے بعد 21 نومبر کو اولمپک کمیٹی کے صدر سے وڈیو لنک کے ذریعے رابطہ کیا اور انہیں ساری صورتحال سے آگاہ کیا۔

یورپی یونین نے چینی حکام سے کہا ہے کہ اس بات کی ضمانت دی جائے کہ خاتون کھلاڑی کو کسی قسم کا کوئی نقصان نہیں پہنچے گا، اور جنسی ہراسگی کے معاملے پر کیس کی سماعت بھی شفاف انداز میں کی جائیں گی۔

واضح رہے کہ دنیا بھر کی کھیلوں کی عالمی تنظیموں نے خاتون ٹینس کھلاڑی کو جنسی طور پر ہراساں کرنے اور گمشدگی کے واقعہ پر سخت ردعمل کا اظہار کیا ہے اور چینی حکومت کو سخت تنقید کا نشانہ بنایا گیا۔

Square Adsence 300X250


News Source   News Source Text

WATCH LIVE NEWS

مزید خبریں
کھیلوں کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.