اعلیٰ ثانوی تعلیمی بورڈ کراچی کے چیئرمین پروفیسر ڈاکٹر سعید الدین نے انٹرمیڈیٹ حصہ اول کے سالانہ امتحانات برائے 2021ء کے آرٹس پرائیویٹ اور کامرس پرائیویٹ گروپس کے امتحانات کے نتائج کا اعلان کردیا ہے۔ چیئرمین انٹربورڈ پروفیسر ڈاکٹر سعید الدین نے نتائج کی تفصیلات بتاتے ہوئے کامرس پرائیویٹ گروپ میں 2ہزار 115امیدواروں نے رجسٹریشن حاصل کی جبکہ ایک ہزار 968امیدوار امتحانات میں شریک ہوئے۔ان امتحانات میں 1869امیدوار تمام 7پرچوں، 68امیدوار 6پرچوں، 20امیدوار پانچ پرچوں جبکہ 11امیدوار چار پرچوں میں کامیاب قرار پائے۔ چیئرمین انٹربورڈ پروفیسر ڈاکٹر سعید الدین نے مزید بتایا کہ آرٹس پرائیویٹ گروپ کے امتحانات میں 3ہزار 535امیدواروں نے رجسٹریشن حاصل کی جبکہ 3ہزار 276امیدوار وں نے امتحانات میں شرکت کی۔ انہوں نے بتایا کہ ان امتحانات میں 3085امیدوار تمام 6پرچوں میں، 160امیدوار 5پرچوں میں اور 31امیدوار 4پرچوں میں کامیاب ہوئے۔
نتائج دیکھنے کے لیے 'ہماری ویب' کے نیچے دیے گئے لنک پر کلک کریں۔
نتائج کے لیے یہاں
کلک کریں