چور ہمارے عہد کے چالاک ہوگئے۔ محاورے میں اگر چہ تھوڑی ہیر پھیر ہے لیکن خبر پڑھ کر آپ بھی ہمارے محاورے کی تائید کریں گے۔ امریکی شہر لاس اینجلس میں چوری کی ایسی واردات سامنے آئی ہے جس سے معلوم ہوتا ہے کہ اب چور اچکے بھی جدت اختیار کرچکے ہیں۔
ٹرین کے ڈبے سے قیمتی مال چرایا باقی نیچے پھینک دیا
ہوا کچھ یوں کہ چوروں نے آن لائن شاپنگ کے لئے منگوایا گیا سامان ٹرین میں ہی لوٹ لیا اور صرف لوٹا ہی نہیں بلکہ صرف وہ چیزیں اٹھائیں جو مہنگے داموں فروخت ہوسکتی ہیں باقی سستی چیزوں کو انھوں نے ریل کی پٹری پر پھینک دیا۔
[img]
چوروں کی اس چالاکی کو دیکھتے ہوئے اب پولیس اور عوام کو تحفظ دینے والے اداروں کو بھی چاہئیے کہ مختلف لائحہ عمل تیار کرکے لوگوں کی جان اور مال کو ہر طرح محفوظ رکھنے کی حکمت عملی اپنائیں۔