کرونا کے بڑھتے کیسز کے پیش نظر انتظامیہ نے ایک بار پھر اسمارٹ لاک ڈاؤن لگانا شروع کر دیا۔
ایک بار پھر کراچی میں کرونا کا وار تیز ہو گیا ہے، کرونا کی نئی قسم اور نئی لہر نے شہر کو اپنی لپیٹ میں لے لیا ہے۔
اب خبر سامنے آئی ہے کہ ضلعی انتظامیہ کی جانب سے کراچی کے ضلع وسطی میں اسمارٹ لاک ڈاؤن لگانے کا فیصلہ کیا ہے۔
کراچی کے علاقے لیاقت آباد، گلبرگ، نارتھ کراچی اور نارتھ ناظم آباد میں اسمارٹ لاک ڈاؤن لگایا گیا ہے جس کا نفاذ آج رات 12 بجے سے ہوگا۔
نوٹیفکیشن میں انتظامیہ کی جانب سے واضح کیا ہے اسمارٹ لاک ڈاؤن کرونا سے متاثرہ علاقوں میں 5 فروری تک رہے گا۔ جبکہ اس دوران ماسک پہننے پر لازمی ہوگا، بلاوجہ نقل و حرکت پر پابندی ہوگی، البتہ ضروری اشیاء، میڈیکل اسٹورز کھلے رہیں گے۔ ڈبل سواری، اجتماعات اور تقریبات پر پابندی ہوگی۔
واضح رہے ضلع وسطی میں 106 لوگوں میں کرونا کی نئی قسم اومکرون کے کیسز سامنے آئے ہیں۔