سوشل میڈیا پر ایسی کئی ویڈیوز دیکھی ہوں گی جس میں منفرد اور دلچسپ معلومات فراہم کی جاتی ہیں، کچھ معلومات اس حد تک منفرد ہوتی ہیں جو کہ پہلے نہیں سنی ہوتی ہیں۔
ہماری ویب ڈاٹ کام کی اس خبر میں آپ کو ایسی ہی خبر کے بارے میں بتائیں گے۔
پاکستان کے صوبے پنجاب میں ایک باغبان ایسا بھی ہے جو کہ سردی کے موسم میں آم کی فصل لگاتا ہے، اور سردیوں کے موسم میں آم کے مزے لے رہا ہوتا ہے۔
پنجاب کے ضلع لودھراں کے زمیندار نے اپنا برسوں کا خواب پورا کر دیا ہے یعنی سردیوں میں آم کھانے کا خواب۔
سید جعفر گیلانی نامی زمیندار نے اپنے باغ میں 10 سے 12 ایسے درخت لگائے ہیں جو کہ سردیوں میں بھی آم دیتے ہیں۔ سردیوں کے یہ آم جنوری میں پک کر تیار ہوتے ہیں۔
عام طور پر آموں کے نام کچھ مختلف ہوتے ہیں جیسے کہ چونسا، لنگڑا اور دیگر نام لیکن اس آم کا نام بھی نرالا ہے، بارہ ماسی کے نام سے مشہور یہ آم لودھراں میں سب کی توجہ حاصل کرتا دکھائی دے رہا ہے۔
سید جعفر کہتے ہیں اس آم کا ذائقہ اور رنگت بھی عام آموں جیسا ہی ہے، یہ ایسی قسم ہے جو میں پاکستان میں اپنے دوستوں میں تقسیم کرتا ہوں۔
یہ پھل سید جعفر کے والد کی پندرہ برس کی محنت کا نتیجہ ہے، یہ پودے تیار کیے گئے تھے جو کہ اب بڑھتے جا رہے ہیں۔ ان کا یہ انٹرویو بی بی سی کی جانب سے لیا گیا تھا۔
اگرچہ یہ آم سندھ میں بھی پایا جاتا ہے مگر فالحال اس آم کو مارکیٹ میں بیچنے کا امکان کم ہے۔