جب تک دانیہ نہیں مل جاتی شیروانی نہیں اتاروں گا ۔۔ ملتان کا رہائشی دانیہ شاہ کی عامر سے علیحدگی پر خوش

image

سوشل میڈیا پر دلچسپ اور منفرد خبریں تو بہت سی ہیں لیکن کچھ ایسی ہیں جس میں صارفین بھی ہنسے بغیر رہ نہیں پاتے ہیں۔

ہماری ویب ڈاٹ کام کی اس خبر میں آپ کو اسی حوالے بتائیں گے۔

سوشل میڈیا پر ایک شخص کی ویڈیو کافی وائرل ہے جو کہ دانیہ شاہ سے شادی کے لیے امید لگائے بیٹھا ہے۔ ملتان سے تعلق رکھنے والے ندیم ملک نے شیروانی پہن لی، شادی کا کمرہ بھی سجا دیا مگر اب تک دلہن کا انتظار ہے کیونکہ دلہن کوئی اور نہیں بلکہ دانیہ شاہ ہیں جو کہ عامر لیاقت کی تیسری اہلیہ ہیں۔

ملتان کے ندیم کا کہنا تھا کہ عامر لیاقت پہلے بھی لڑکیوں کی زندگی برباد کر چکا ہے، دانیہ کی زندگی بھی برباد کر دی ہے، وہ میرا پیار ہے۔ عامر اور دانیہ کے بیچ اختلافات کے بعد مجھے لگتا ہے ہے کہ مجھے میری محبت مل جائے گی۔

ڈیجیٹل پاکستان سے گفتگو کرتے ہوئے ندیم کا کہنا تھا کہ آپ میری آواز بنیں، دانیہ تک پہنچائیں، میں دانیہ سے بے حد پیار کرتا ہوں۔ میں نے پہلی بار دانیہ کو اس وقت دیکھا جب ہم دوستوں کے ساتھ شادی کے فنکشن میں گئے، میری اچانک دانیہ پر پڑی تھی، مجھے اس وقت نہیں پتہ تھا کہ وہ دانیہ ہے، میں نے بہت کوشش کی کہ اس لڑکی سے بات کروں، میں اس لڑکی سے ملنا چاہتا ہوں، مگر دوست نے کہا کیا جذباتی ہو گیا، اور دوست کے کہنے پر رُک گیا۔

لیکن جب سوشل میڈیا پر تصویر دیکھی تو مجھے برا محسوس ہوا، لیکن دانیہ کی محبت کو دل سے ختم نہیں کیا۔ میں درگاہ جاتا تھا، علماء سے ملتا تھا، اور پوچھتا تھا کہ کیا دانیہ میرے نصیب میں ہے؟ تو مجھے خوش خبری دیتے تھے کہ جسے آپ چاہتے تھے وہ آپ کو ملے گی، دانیہ میں آپ کو شدت سے محسوس کر رہا ہوں۔

ندیم کا کہنا ہے کہ دانیہ میں نے تمہارے لیے گھر لیا ہے، شادی کا کمرہ تیار ہے، شیروانی بھی پہنی ہوئی ہے۔ شای ندیم کسی بھی موقع کو ہاتھ سے ضائع نہیں ہونے دینا چاہتے تب ہی ہر وقت شیروانی پہنے ہوئے اور شادی کا کمرہ سجائے ہوئے ہیں۔ میرے پاس دانیہ کی تصویر بھی ہے جس سے میں باتیں کرتا رہتا ہوں، اپنے سرہانے اسے سلاتا ہوں کیونکہ یہ میری سچی محبت ہے۔

یہاں تک کے ندیم نے دانیہ کے لیے منہ دکھائی بھی دینے کی تیاری کر لی ہے اور طے کر لیا ہے کہ منہ دکھائی میں 20 تولہ سونے کا ہار، ملتان کا یک بنگلہ، آڈی کار دوں گا۔ میں دانیہ کو بہت پیار کروں گا، پاؤں دھو کر پیوں گا۔ جیسے لوگ ہیر رانجھا اور سسی پنھو کی مثال دیتے ہیں ایسے ہی لوگ ہماری بھی مثال دیں گے۔

جبکہ ندیم نے عامر لیاقت کو بھی پیغام دے دیا، کہا کہ یہ شیطانیت چھوڑ دیں، آپ اپنی بیٹی کی عمر کی لڑکی سے شادی کر رہے ہیں۔ آپ توبہ کرو اور آئندہ ایسی کسی معصوم لڑکی کی زندگی کو برباد مت کریں، ساتھ ہی ندیم جذباتی بھی ہو گئے۔


WATCH LIVE NEWS

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.