امریکی ریاست ٹیکساس کے اسکول میں فائرنگ،18 بچوں سمیت21 افراد ہلاک

image

 امریکی ریاست ٹیکساس  کے ایک اسکول میں فائرنگ سے 18 طالبعلم سمیت 21 افراد ہلاک ہو گئے۔

غیر ملکی خبر رساں ادارے کے مطابق امریکی ریاست ٹیکساس کے علاقے  یوویلدے کے ایک اییلمنٹری اسکول میں 18 سالہ نوجوان اسلحہ لے کر داخل ہوا اور فائرنگ شروع کر دی۔ جس کے نتیجے میں 18 کم سن بچوں اور ایک ٹیچر سمیت 21 افراد مارے گئے۔

یہ بھی پڑھیں:

فائرنگ سے 13بچوں سمیت 14 افراد زخمی ہونے کی بھی اطلاعات سامنے آئی ہیں۔ ہلاک ہونے والے طالب علموں کی عمر 5 سے 11 سال کے درمیان ہے۔خبر ایجنسی کے مطابق18 سالہ حملہ آور بھی پولیس کی فائرنگ سے مارا گیا ہے۔

ٹیکساس کے گورنر گریگ ایبٹ نے  صحافیوں کو بتایا کہ حملہ آور نے اسکول پر حملے سے قبل اپنی دادی کو گولیاں مار کر قتل کیا۔ اس نے تھوڑی دور گاڑی کھڑی کی اور چھوٹی بندوق لے کر سکول میں داخل ہوا۔

امریکی صدر جوبائیڈن نے واقعے پر افسوس کا اظہار کرتے ہوئے کہا ہے کہ  ہلاک ہونے والے افراد کے لواحقین سے دلی ہمدردی ہے۔

ان کا کہنا ہے کہ بندوق رکھنے والوں کے خلاف اٹھ کھڑے ہوں اور کانگریس پر دباؤ ڈالیں کہ بندوق رکھنے کے حوالے سے موزوں رولز بنوائے۔

یہ بھی  پڑھیں:

درد ناک حملے پر وائٹ ہاوس کی جانب سے سوگ کا اعلان کیا گیا ہے۔ واقعے پر امریکی پرچم سرنگوں رہے گا۔

واضح رہے کہیہ 2012 کے بعد امریکہ میں کسی اسکول پر ہونے والا اب تک کا بدترین حملہ ہے۔ 2012 میں سینڈی ہوک میں بھی ایسا ہی واقعہ ہوا تھا جس میں 20 بچے اور عملے کے چھ افراد ہلاک ہوئے تھے۔

 


News Source   News Source Text

WATCH LIVE NEWS

مزید خبریں
عالمی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.