جانور محبت کے بھوکے ہوتے ہیں۔ لوگ اکثر پالتو جانور کے طور پر کتا یا بلی وغیرہ پالتے ہیں جن کو پیار محبت سے رکھا جائے تو جواباً وہ بھی پیار کرتے ہیں۔ لیکن شاید ہی کسی نے طاقت اور دہشت کا مجسم سمجھے جانے والے شیر سے اس رویے کی انید رکھی ہو۔ لیکن یہ ویڈیو آپ کی رائے تبدیل کردے گی
اس ویڈیو میں دیکھا جاسکتا ہے کہ ڈرائیور کے بلانے اور گوشت کا ٹکڑا دکھانے پر کس طرح شیر لپک کر اس کے پاس آتا ہے اور ڈرائیور کے ہاتھ سے گوشت کا ٹکڑا کھانا شروع کردیتا ہے۔
لوگوں پر ہیبت طاری کردینے والا شیر اس وقت ایک معصوم بچہ لگ رہا ہے جو اپنے کھانے میں مگن ہے اس کو دیکھ کر یہ محسوس بھی نہیں ہورہا کہ یہ وہی جنگلی جانور ہے جو منٹوں میں بڑے سے بڑے جانور کا تیا پانچہ کرکے رکھ دیتا ہے۔
10 لاکھ سے زائد صارفین کی توجہ حاصل کرنے والی ویڈیو
اس پیارے سے شیر کی یہ ویڈیو سوشل میڈیا پر تیزی سے وائرل ہورہی ہے اور اسے اب تک 10 لاکھ سے زیادہ صارفین دیکھ چکے ہیں۔