انتظار ختم، ’دی لیجنڈ آف مولا جٹ‘ کی ریلیز کا اعلان کر دیا گیا

image
پاکستان کی شہرہ آفاق پنجابی فلم ’مولا جٹ‘ کا ری میک ورژن ’دی لیجنڈ آف مولا جٹ‘ کم سے کم چار سال کے انتظار کے بعد بالآخر ریلیز ہونے والا ہے۔

فلم دی لیجنڈ آف مولا جٹ کے ڈائریکٹر بلال لاشاری نے بدھ کے روز فوٹو اور ویڈیو شیئرنگ پلیٹ فارم انسٹاگرام پر فلم کی ریلیز کے حوالے سے اعلان کیا۔

ان کے مطابق ’دی لیجنڈ آف مولا جٹ 13 اکتوبر کو ریلیز کی جائے گی۔‘

یہ فلم 1979 میں سلطان راہی اور مصطفٰی قریشی کی ریلیز ہونے والی مشہور زمانہ پنجابی فلم مولا جٹ کا جدید ری میک ہے۔

بلال لاشاری نے ٹوئٹر پر لکھا کہ '13 اکتوبر 2022 کو سنیما میں آ رہی ہے۔‘

Coming to Cinemas on October 13th, 2022#TheLegendOfMaulaJatt #MaulaJatt2022 #Fawadkhan #HamzaAbbasi #Mahirakhan #Humaimamalick #Farisshafi #Aliazmat #Goharrasheed #BilalLashari #AmmaraHikmat pic.twitter.com/Pprqxi18rO

— Bilal Lashari (@blashari) August 10, 2022

فلم میں فواد خان، ماہرہ خان، حمزہ علی عباسی، عمائمہ ملک اور علی عظمت مرکزی کردار ادا کر رہے ہیں۔

اس سے پہلے 21 دسمبر 2018 کو اس فلم کا پہلا ٹریلر جاری کیا گیا تھا جس میں کرداروں کو متعارف کیا گیا تھا تاہم اس کے بعد اس فلم پر کاپی رائٹس کا کیس دائر ہوا تھا، جس کے بعد اس کی نمائش کو غیر معینہ مدت کے لیے روک دیا گیا تھا۔

فلم مولا جٹ کی ریلیز کی خبر سنتے ہی انسٹاگرام پر صارفین میں خوشی کی لہر دوڑ گئی۔

معروف سنگر میشا شفیع کہتی ہیں کہ ’کیا میں خواب دیکھ رہی ہوں؟‘

فاریہ خان لکھتی ہیں کہ ’ہم سب کب سے اس فلم کا انتظار کر رہے ہیں، آخر کار آ گئی۔‘

مصدق ملک نے لکھا ہے کہ ’کیا یہ سچ ہے؟ مجھے چٹکی کاٹو۔‘

حفضہ محمود کا کہنا تھا ’آخر کار انتظار ختم ہو گیا، میں اپنی پوری یونیورسٹی کو فلم دکھانے سنیما لے کر جاؤں گی، بہت جوش و خروش ہے۔‘


News Source   News Source Text

مزید خبریں
آرٹ اور انٹرٹینمنٹ
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.