کہاں تو کوئی ایک اولاد کے لئے برسوں ترستا ہے اور کہاں اللہ کسی کو ایک ساتھ ہی کبھی جڑواں تو کبھی 3 بچوں سے نواز دیتا ہے۔ لیکن اس صورت میں عام طور پر بچوں کی جنس ایک ہی ہوتی ہے البتہ صادق آباد میں ایک خوش نصیب جوڑے کو اللہ نے بیک وقت 4 بچوں سے نواز دیا جن میں 3 بیٹیاں اور 1 بیٹا ہے۔

بچوں کے نام

آج نیوز کے مطابق محمد وقاص کی شادی ایک سال پہلے ہوئی اور ایک سال بعد اللہ نے انھیں نعمت اور رحمت دونوں سے نواز دیا۔ والدین نے بچوں کے نام محمد عثمان ، زاہرہ بی بی ، زینب بی بی اور نور فاطمہ رکھے ہیں۔

اللہ کا خاص انعام

محمد وقاص کے گھر محلے والوں کی جانب سے مبارکباد دینے کا سلسلہ جاری ہے۔ ماں اور بچے خیریت سے ہیں اور والد کا کہنا ہے کہ ایک ساتھ 4 بچوں کی پیدائش ان کے لئے اللہ کا خاص تحفہ ہے جس پر وہ اللہ کے شکر گزار ہیں۔