کینسر کا مرض کسی کی بھی ہنستی بستی زندگی کو راکھ بنا دیتا ہے اور پھر اس کا علاج اور دیگر اخراجات ناقابلِ برداشت ہوتے ہیں جن سے کوئی بھی گھبرا کر خود اپنی زندگی کے خاتمے کیلئے دعائیں مانگتا ہے۔
مگر جب کینسر کو شکست دے کر کوئی بھی انسان زندگی کی جانب بڑھتا ہے، اس کی خوشی دیدنی ہوتی ہے۔ کل سے سوشل میڈیا پر ایک بچے کی رقص کرنے کی ویڈیو وائرل ہو رہی ہے۔ جس کے بارے میں بتایا جاتا ہے کہ بچے کا نام ادریس ہے یہ افغانستان سے پاکستان میں کینسر کے مرض کے علاج کیلئے آیا تھا۔
بچے کا علاج کراچی میں انڈس ہسپتال میں ہوا جہاں اس کو بہترین ڈاکٹرز اور عملے کا ساتھ ملا، اس کے ساتھی دیگر مریض بچے اور بڑے ایک دوسرے کو ہر موڑ پر ہمت دیتے آئے۔
ادریس کی یہ ویڈیو مختلف پیجز پر خوب وائرل ہو رہی ہے۔ اس کا علاج کرنے والوں ڈاکٹروں کا کہنا ہے کہ یہ بچہ بہت ہمت والا تھا، اس نے کبھی تنگ نہیں کیا۔ اس کے چہرے کی خوشی اس کی زندگی کی جانب لوٹنے کی واضح دلیل ہے۔
ویڈیو ملاحظہ فرمائیں: