بچوں سے محبت ہر شخص کے دل میں ہوتی ہے۔ کچھ لوگ ظاہر کردیتے ہیں اور کچھ محبت کو دل میں دبا لیتے ہیں۔ ایک بھارتی خاتون نے اپنی کہانی بتاتے ہوئے کہا کہ میں ہمیشہ سے ایک بھرے گھر کی خواہشمند رہی ہوں کہ میں خود بھی خوش رہوں اور میرے ساتھ گھر والے بھی، ہر رشتے کی ایک الگ پہچان ہو، ایک الگ شناخت ہو لیکن میں روزمرہ کی لڑائی جھگڑوں اور پریشانیوں کو مول لینا نہیں چاہتی تھی، یہی وجہ ہے کہ میں نے شادی نہیں کی۔
ٹی وی پر جب بھی سشمیا سین کو دیکھتی اور ان کی لے پالک بیٹیوں کو دیکھتی تو دل میں بچوں کے لیے محبت مزید جاگ جاتی۔ میں ہمیشہ یہ کہتی تھی کہ مجھے بچے بہت پسند ہیں لیکن ہمارا معاشرہ شادی کے بناء بچوں کو قبول نہیں کرتی۔ 2008 میں دو بیٹیوں کو میں نے گود لیا اور یہ ہمت مجھے سشمیتا کو دیکھ کر حاصل ہوئی۔ جب میں نے بچیوں کو گود لیا تو مجھے لگا تھا کہ یہ معاشرہ مجھے جینے نہیں دے گا، میرے گھر والے بھی مجھے قبول نہیں کریں گے۔ کسی حد تک پریشانیاں ہوئیں لیکن پھر مجھے اور میری بیٹیوں کو ایک نئی شناخت ملی۔ لوگ ہمیں ماں بیٹی کے رشتے سے پکارنے لگے۔
مجھے اس وقت زندگی کا سب سے پُرسکون احساس ہوتا ہے جب میری بیٹیاں کہتی ہیں مما نے ہمیں گود نے نہیں دل سے جنم دیا اور اس وقت قبول کیا جب سگے ماں باپ اپنی غلطیوں کے عوض ہمارا سودہ کرچکے تھے۔ یہ ہماری حقیقی ماں اور باپ ہیں۔
یہ کہانی ہر اس جوڑے کے لیے مثال ہے جو بے اولاد ہیں، انہیں یہ واضح سوچ رکھنی چاہیے کہ اولاد اپنی گود سے ہی نہیں پلتی بلکہ لے پالک بچے بھی سگے بچوں سے زیادہ عزیز ہو جاتے ہیں۔ ایک ماں کا دل ہر عورت میں جنم لیتا ہے۔