"اس درخت سے جو بھی آوازیں آرہی ہیں وہ سچی ہیں۔ آپ نے کچھ بھی نقلی یا فیک نہیں سنا'۔
یہ کہنا ہے پری زد اسٹار احمد علی اکبر کا جنھوں نے اپنے انسٹاگرام اکاؤنٹ پر ایسی ویڈیو شیئر کی جس میں وہ ایک جنگل میں موجود ہیں اور ایک پرانے درخت میں بنے سوراخ سے کسی کے رونے کی عجیب و غریب آواز آرہی ہیں۔ ویڈیو دیکھیں
ویڈیو کے اوپر احمد نے لکھا ہوا ہے کہ یہ ویڈیو کچھ لوگوں کو پریشان کرسکتی ہے جبکہ آنے والی آواز کسی بچے کے رونے جیسی لگ رہی ہے۔
اس ویڈیو کے نیچے کئی لوگوں نے مختلف تبصرے کیے ہیں۔ ٹی وی میزبان انوشے اشرف لکھتی ہیں کہ “ یہ درخت مدد کا طلب گار ہے، اسے بے حد شدت سے پانی کی ضرورت ہے، ایسی بہت سی کہانیاں ہیں جو قدرت کو سننا چاہتے ہیں، یہ آوازیں ہمیں الرٹ کر رہی ہیں ساتھ انہوں نے ایک لنک بھی شیئر کیا جس میں ان آوازوں کی سائنسی وجہ بیان کی گئی ہے۔
البتہ احمد علی اکبر کی یہ ویڈیو تیزی سے وائرل ہورہی ہے اور لوگ اس آواز کے پیچھے چھپی مخلوق کوجنات سمجھ کر خوفزدہ بھی ہورہے ہیں لیکن کچھ لوگوں کے مطابق اس آواز کے پیچھے سائنسی وجہ موجود ہے۔