واشنگٹن: مائیکرو سافٹ مالی سال 2023 کی تیسری سہ ماہی کے اختتام تک کل دس ہزار ملازمتوں میں کٹوتی کردے گا۔
مؤقر نشریاتی ادارے این ڈی ٹی وی نے عالمی خبر رساں ایجنسی کے حوالے سے بتایا ہے کہ امریکہ میں ٹیکنالوجی کے شعبے میں آنے والی معاشی بدحالی نے کمپنیوں کو اس بات پر مجبور کردیا ہے کہ وہ برطرفیوں میں تیزی لائیں۔
اس حوالے سے مائیکرو سافٹ نے مؤقف اختیار کیا ہے کہ برطرفی کے نتیجے میں مالی سال 2023 کی دوسری سہ ماہی میں $1.2 بلین کا چارج ہو گا جو فی شیئر منافع پر 12 سینٹ کے منفی اثر کو ظاہر کرتا ہے۔
واضح رہے کہ گزشتہ سال جولائی میں مائیکروسافٹ نے کہا تھا کہ بہت کم ملازمتوں کو ختم کیا گیا ہے لیکن Axios نے اکتوبر میں جاری کردہ رپورٹ بتایا تھا کہ کمپنی نے کم از کم 1,000 سے کم ملازمین کو فارغ کر دیا ہے۔