سردیوں کی مرغوب غذا مچھلی نہ صرف مزیدار کھانا ہے بلکہ صحت مند بھی ہے۔ اس کی ہر قسم میں قدرت نے کئی فائدے پوشیدہ رکھے ہیں جو ہمیں معلوم بھی نہیں ہیں۔ مچھلی کی کھال ہو یا گوشت، سر ہو یا آنکھ ہر ایک چیز فائدے سے بھرپور ہے۔ ایسی ہی مچھلی کے ایک قسم سرمئی مچھلی ہے جس میں ایک بھی کانٹا نہیں ہوتا صرف اور صرف درمیان میں ایک ہڈی ہوتی ہے اور اس کو کاٹنے میں بھی زیادہ مشکل نہیں ہوتی اور نہ کھانے میں۔ یہ عموماً دیگر مچھلیوں کے مقابلے میں دام میں بھی زیادہ ہے لیکن اس میں کانٹے نہیں ہیں اس لیے لوگوں کو یہ کھانا زیادہ پسند آتا ہے۔

آئیے آج ہم آپ کو بتاتے ہیں سرمئی مچھلی سے متعلق کچھ دلچسپ اور کارآمد معلومات:

سر میں چھپے راز:

٭ سرمئی مچھلی میں اومیگا تھری بڑی مقدار میں پایا جاتا ہے جس کی زیادہ تر مقدار اسکے سر میں پائی جاتی ہے، لہٰذا وہ لوگ جن کو خارش یا چنبل کی پریشانی ہوتی ہے وہ اس کے سر کو خوب کھائیں۔

٭ اس میں کولیجن زیادہ پایا جاتا ہے جو آپ کے جلدی مسائل کو کنٹرول کرنے کے ساتھ ساتھ دماغ کو بھی تقویت پہنچاتا ہے۔

٭ سر کی ہڈیوں میں گودے نما مادہ گاڑھا پایا جاتا ہے جس سے بلڈ پریشر کے مسائل کنٹرول کرنے میں مدد ملتی ہے۔

سرمئی مچھلی کیوں کھانی چاہیے؟

اس مہنگے فائدے والی مچھلی کو سردی میں کھانے سے کپکپاہٹ یا کمزوری کی شکایت کم ہوتی ہے۔ وٹامن بی تھری، پروٹین، سیلینیئم اور دیگر کیمیائی خواص موجود ہونے کی وجہ سے یہ مچھلی جسم کو بھرپور توانائی پہنچاتی ہے۔