امریکا نے وینزویلا کے ساحل کے قریب ایک اور تیل بردار جہاز کا تعاقب شروع کر دیا ہے جو گزشتہ دو دنوں میں دوسرا اور دو ہفتوں سے بھی کم عرصے میں تیسرا آپریشن ہے۔ امریکی حکام کے مطابق یہ جہاز وینزویلا کے نام نہاد ڈارک فلیٹ کا حصہ ہے اور امریکی پابندیوں سے بچنے کی کوشش کر رہا ہے۔
امریکی کوسٹ گارڈ جہاز کا مسلسل تعاقب کر رہا ہے اور اس پر قبضے کی کوشش کی جا رہی ہے۔
امریکا وینزویلا پر عائد پابندیوں پر عمل درآمد یقینی بنانے کے لیے ایسے جہازوں کے خلاف کارروائیاں جاری رکھے ہوئے ہے، جو خفیہ طور پر تیل کی غیر قانونی ترسیل میں ملوث ہیں۔ وینزویلا کی جانب سے امریکی اقدام پر تاحال کوئی ردِعمل سامنے نہیں آیا۔