تحریک انصاف کے چیئرمین و سابق وزیراعظم عمران خان کی ممکنہ گرفتاری کی وجہ سے جنوبی پنجاب اور خیبرپختونخواسے کارکنوں کو بلا لیا گیا۔
کم از کم 5 ہزار پارٹی کارکن زمان پارک کے باہر ہر وقت موجود رہیں گے،گرفتاری کے خدشے کے پیش نظر متبادل پارٹی قیادت کے معاملات بھی طے پا گئے۔
عمران خان کی گرفتاری کی صورت میں شاہ محمود قریشی فیصلے کرنے میں بااختیار ہوں گے، عمران خان کی ممکنہ گرفتاری سے پہلے پارٹی ٹکٹوں کو فائنل کرنے کی بھی کوشش کی جا رہی ہے۔
پارٹی ذرائع کے مطابق اگلے ہفتے سے انتخابی جلسے شروع کرنے کی بھی منظوری دے دی گئی ہے، امیدواروں کو بلدیاتی انتخابات اور حکومتی عہدوں پر ایڈجسٹ کیا جائے گا۔
مسرت جمشید چیمہ کا کہنا ہے کہ پارٹی کی مفاہمتی کمیٹی امیدواروں کے درمیان مفاہمت پیدا کرے گی۔
اس کے علاوہ زمان پارک میں مزید کیمپ لگانے کا بھی فیصلہ کیا گیا ہے،عمران خان کی رہائشگاہ کے سامنے دو خالی پلاٹ استعمال کئے جائیں گے۔