گزشتہ رات آنے والے زلزلے نے جہاں پاکستانیوں کو خوف میں مبتلا کیا وہیں کچھ ایسی ویڈیوز صارفین کو خوف میں مبتلا کر رہی ہیں، جو کہ حیرت انگیز ہیں۔
ہماری ویب ڈاٹ کام کی اس خبر میں آپ کو اسی حوالے سے بتائیں گے۔
سوشل میڈیا پر ایک ویڈیو نے اس وقت سب کی توجہ حاصل کی جب زلزلے کے دوران اسپتال میں ہونے والی سرجری جاری رہی۔
ویڈیو میں دیکھا جا سکتا ہے کہ کیمرہ لگا کر ڈاکٹرز اور سرجنز سرجری کو مکمل کر رہے تھے، کہ اچانک 7 اعشاریہ 7 شدت کے زلزلے نے سب کچھ ہلا کر رکھ دیا۔
نامعلوم مقام کی اس ویڈیو میں دیکھا جا سکتا ہے کہ اچانک زلزلے کے بعد بجلی بھی منقطع ہو جاتی ہے، جس کے بعد ڈاکٹرز بھی کلمہ طیبہ پڑھنا شروع ہو گئے۔
آپریشن تھیٹر میں مشینوں کی آوازیں بھی تیز ہو گئی تھیں، جبکہ ڈاکٹرز کو تشویش یہ بھی تھی کہ کہیں مریض کی جان کو خطرہ نہ ہو جائے، یہی وجہ تھی کہ ڈاکٹرز نے مریض کو تنہا نہیں چھوڑا، انتہائی نگہداشت میں مریض کے ساتھ ہی موجود رہے۔
دوسری جانب کلمہ طیبہ کی آوازیں بھی سنی جا سکتی ہیں، جبکہ خود ڈاکٹرز بھی پریشانی سے دوچار ہو گئے تھے۔