'
“ایک آرٹسٹ اپنے چاہنے والوں کی محبت میں دل سے پرفارم کرتا ہے۔ میں آپ لوگوں کے لئے 4 گھنٹے بنا رکے گانا گاتا رہا مجھے امید نہیں تھی اپنے مداحوں سے کہ وہ ایسا کریں گے۔ میرا ہاتھ ٹوٹ گیا۔ مہربانی فرما کے آرٹسٹ کی عزت کریں۔ گانا انجوائے کریں مگر اخلاقیات کے دائرے میں یہ پاگل پن ہے‘‘
یہ کہنا ہے گلوکارارجیت سنگھ کا جن کا گزشتہ روز کنسرٹ کے دوران ایک خاتون مداح نے ہاتھ کھینچ لیا اور وہ زخمی ہوگئے۔ ویڈیو دیکھیں
بھارتی میڈیا رپورٹس کے مطابق یہ واقعہ اتوار کو پیش آیا جب ارجیت مہاراشٹرا میں لائیو پرفارمنس دے رہے تھے۔ ویڈیو میں دیکھا جاسکتا ہے کہ ارجیت سنگھ پرفارم کررہے ہیں کہ اچانک خاتون مداح ان سے بات کرنے لگیں اور پھر ان کا ہاتھ کھینچ لیا۔ گلوکار زخمی ہونے کے باوجود اپنی پرفارمنس دیتے رہے
البتہ واقعے کے بعد ارجیت نے سوشل میڈیا اکاؤنٹ پر مداح کے اس رویے کی مذمت کی جبکہ سوشل میڈیا صارفین بھی خاتون مداح کو تنقید کا نشانہ بنارہے ہیں۔