“میں 24 گھنٹوں سے باتھ روم تک نہیں گیا ہوں۔ ممیرے ڈاکٹر کو بلائیں۔ ڈاکٹر فیصل کو بلائیں۔ یہ انجیکشن لگاتے ہیں اور تھوڑی دیر میں انسان مر جاتا ہے۔ میرے ساتھ مسعود چپڑاسی والا کام نہ ہو“
یہ کہنا ہے پاکستان تحریک انصاف کے چئیرمین عمران خان کا جنھیں کچھ دیر قبل اسلام آباد کی پولیس لائن میں قائم کی گئی عدالت میں پیش کیا گیا۔
عمران خان نے کہا کہ جب وہ نیب آفس پہنچے تب ان کو وارنٹ دیا گیا۔ نیب کہتا ہے کہ انھیں ریکارڈ اکھٹا کرنا ہے میں کہتا ہوں سارے پیسے کابینہ کی منظوری سے آئے تھے۔ ایسا کوئی ریکارڈ نہیں جو میں نہیں مان رہا۔ عمران خان نے یہ بھی کہا کہ انھیں حراست میں لیتے یوئے شیشے توڑے گئے ہیں۔