پاکستان میں بڑھتی ہوئی مہنگائی میں عوام کو سفر کی سستی سہولیات فراہم کرنے کیلئے فلائی جناح نے اندرون ملک سفر کرنے والوں کیلئے سستی سہولیات فراہم کردیں۔
یکم نومبر 2022 سے اندرون ملک پروازوں کا آغاز کرنے والی فلائی جناح کی جانب سے مسافروں کی سہولیات کیلئے اقدامات کا سلسلہ جاری ہے۔
فلائی جناح ایک پاکستانی پرائیویٹ جوائنٹ وینچر بجٹ ایئرلائن ہے۔ کراچی میں قائم، فلائی جناح ایئر عربیہ کے ذریعے چلائے جانے والے کامیاب معاشی کاروباری ماڈل کی پیروی کرتی ہے اور یہ ملک کی پانچویں نجی ایئرلائن کمپنی ہے۔
فضائی کمپنی کا کہنا ہے کہ کراچی تا اسلام آباد پاکستان کے مصروف ترین فضائی راستوں میں سے ایک ہے۔ فلائی جناح نے حکمت عملی کے ساتھ اس روٹ پر براہ راست پروازیں شروع کی ہیں جو دونوں شہروں کے درمیان تیز سفر کی سہولت فراہم کرتی ہے۔
فلائی جناح کی کراچی سے اسلام آباد روٹ پر روزانہ دو پروازیں چلائی جاتی ہیں جو مسافروں کے لیے سہولت کو یقینی بناتی ہیں اورفلائی جناح کی کراچی سے اسلام آباد پروازوں کے ٹکٹ کی قیمتیں 13999روپے سے شروع ہوتی ہیں جبکہ مسافروں سے 10 کلو وزن پر کوئی پیسے وصول نہیں کیے جائیں گے۔