96 سالہ خاتون سٹریچر پر طواف کیا اور انتقال کرگئیں۔ ان کی طواف کرتے وقت کی تصویر سوشل میڈیا پر خوب وائرل ہو رہی ہے۔ تفصیلات کے مطابق یہ واقعہ 2019 کا ہے جب ایک بزرگ خاتون انتہائی بیماری کی حالت میں کعبہ گئیں اور طواف کرتے ہوئے ان کی روح کوچ کرگئی۔
سعودی ویب سائٹ کے مطابق خاتون کو ڈاکٹر جواب دے چکے تھے کہ اب یہ زیادہ وقت زندہ نہیں رہ سکیں گیں جس پر خاتون نے گھر والوں سے اپنی آخری خواہش کا اظہار کیا کہ مجھے کعبہ کا طواف کرنا ہے ایک مرتبہ اپنی آنکھوں سے کعبہ کو دیکھنا چاہتی ہوں۔ اہلِ خانہ نے ان کی خواہش کی تکمیل کی اور جوں ہی طواف مکمل ہوا خاتون انتقال کرگئیں۔
خاتون کی خوش قسمتی پر ہر کوئی رشک کر رہا ہے اور اپنے لیے دعائیں کر رہا ہے کہ اللہ ایسی موت ہر مسلمان کو نصیب کرے کہ کعبہ آنکھوں کے سامنے ہو اور روح کو خُدا اپنے پاس بلا لے۔