بے شک دنیا میں سکون انسان کو اللہ پاک کے کلام میں ہی ملتا ہے۔ مگر غیر مسلم بھی قرآن پاک کی تلاوت سنیں گے، یہ تو اللہ پاک کی مبار ک ذات ہی کر سکتی ہے۔
یہاں یہ بات اس لیے کی گئی ہے کیونکہ بھارتی وزیراعظم نریندر مودی نے کئی سیاستدانوں کے ساتھ مل کر سورہ رحمٰن کی تلاوت سنی، جس کی ویڈیو وائرل ہو گئی۔
ہوا کچھ یوں کہ بھارتی شہر دہلی میں پارلیمینٹ کے نئی عمارت کے افتتاح کے موقعے پر ایک تقریب رکھی گئی جس کا آغاز ہندو رسم و رواج سے کیا گیا جس کے بعد ایک مسلمان شخص سے سورہ رحمٰن سنی گئی۔
یہ تلاوت اس شخص نے 1 منٹ سے زیادہ وقت تک کی۔ اس موقعے پر حزب اختلاف کی جماعتوں نے اس تقریب کا بائیکاٹ کیا۔
جبکہ نریندر مودی سمیت کئی ہندو رہنماؤں نے خاموشی سے یہ تلاوت سنی جو کہ ماضی میں سخت اسلام مخالف رہے ہیں۔