پاکلستانی اداکار وہاج علی کے چرچے صرف پاکستان میں ہی نہیں بلکہ بھارت میں بھی ہیں۔ وہاج اس وقت ڈرامہ تیرے بن میں مُرتسم خان کا کردار کر رہے ہیں جس کی وجہ سے ان کی مقبولیت میں بہت اضافہ ہوا۔ ان کا یہ ڈرامہ پاکستان اور بھارت سمیت پوری دنیا میں دیکھا جا رہا ہے۔ ایک بھارتی لڑکی نے اپنے فن سےوہاج علی کو خوب متاثر کیا۔
بھارتی آرٹسٹ منیشا مروڈیا پراجپاتی نے وہاج علی کا شاندار اسکیچ بنا کر اپنی ویڈیو انسٹاگرام پر شیئر کی، جس کے کیپشن میں انہوں نے لکھا وہاج میں آپ کی فین ہوں، 2021 میں عشق جلیبی کا ڈرامہ آپ نے جب کیا تھا، میں اس وقت سے آپ کو پسند کرتی ہوں آپ کو فالو کرتی آئی ہوں۔ آپ کو دیکھنا چاہتی ہوں۔ میں امید کرتی ہوں کہ میری محبت یہ آپ تک ضرور پہنچے گی۔
منیشا کی یہ مُحبت وہاج تک پہنچ گئی اور ان کو خوب پسند بھی آئی۔ اداکار نے کمنٹ میں لکھا کہ آپ کا بہت شکریہ۔۔ پاکستان اور بھارت سے ہر کوئی اس اسکیچ کو خوب پسند کر رہا ہے۔