قومی اسمبلی کے اسپیکر راجہ پرویز اشرف کی گاڑی کو حادثہ پیش آیا ہے جس کے بعد قومی اسمبلی کے سرکاری ٹوئٹر اکاؤنٹ سے بھی افسوس ناک واقعے کی تصدیق کی گئی ہے۔
واضح رہے کہ یہ حادثہ مندرہ چکوال روڈ پر اسلام آباد واپسی کے دوران پیش آیا۔ راجہ پرویز اشرف کی گاڑی کے سامنے اچانک گائے آگئی جس کو بچاتے ہوئے اسپیکر کی گاڑی اور اسکواڈ کی گاڑیاں حادثے کا شکار ہوگئیں۔
ٹوئٹ کے مطابق اسپیکر راجہ پرویز اشرف اور عملہ حادثہ میں محفوظ رہے تاہم گاڑیوں کی ابتر حالت تصاویر میں دیکھی جاسکتی ہے۔