پنجاب کے گورنرمحمد بلیغ الرحمٰن نے سرکاری ہسپتالوں میں ہومیوپیتھک ڈاکٹرز بھرتی کرنے کی اجازت دے دی۔
میڈیا رپورٹس کے مطابق جاری کردہ نوٹیفکیشن میں کہا گیا ہے کہ قوانین اور پالیسی کے مطابق خالی سیٹوں پر ہومیوپیتھیک ڈاکٹرز بھرتی کیے جائیں۔
علاوہ ازیں قومی کونسل برائے ہومیوپیتھی کے وفد نے گورنر پنجاب محمد بلیغ الرحمٰن سے ملاقات کی ہے۔
وفد نے ملاقات کے دوران گورنر پنجاب کی توجہ سرکاری ہسپتالوں میں ہومیو پیتھک ڈاکٹرز کی خالی سیٹوں پر دلائی۔
وفد کا مؤقف تھا کہ ڈسٹرکٹ، تحصیل اور ٹیچنگ ہسپتالوں، دیہی ہیلتھ یونٹس اور بنیادی صحت مراکز میں ہومیوپیتھک ڈاکٹرز کی سیٹیں خالی ہیں۔
قومی کونسل برائے ہومیوپیتھی کے وفد کا کہنا ہے کہ آبادی متبادل طریقہ علاج سے محروم ہے۔