پاکستان کے سابق صدر اور پیپلز پارٹی کے شریک چیئرمین آصف علی زرداری کی بیٹی بختاور بھٹو نے فادرز ڈے کے موقع پر اپنے والد کے ساتھ اپنے بیٹوں کی تصویر شیئر کردی۔
گزشتہ روز پوری دنیا کی طرح پاکستان میں بھی فادرز ڈے منایا گیا، اس موقع پر سابق صدر آصف علی زرداری کی صاحبزادی بختاور بھٹو زرداری نے اپنے والد کے لیے پیغام جاری کیا۔ بختاور بھٹو زرداری نے ٹویٹر پر اپنے بیٹوں اور اپنے والد کی تصویر شیئر کی۔
تصویر میں دیکھا جاسکتا ہے کہ آصف زرداری دبئی میں اپنی بیٹی کے گھر میں اپنے نواسوں کے ساتھ کھیلتے ہوئے نظر آئے۔ بختاور نے ٹویٹر پر لکھا: میرے بابا اور ان کے نانا بابا کو فادرز ڈے مبارک ہو۔
بختاور کا پہلا بیٹا 10 اکتوبر 2021 کو پیدا ہوا۔ جب کہ 5 اکتوبر 2022 کو اپنے دوسرے بچے کو جنم دیا۔
یاد رہے کہ سابق صدر آصف علی زرداری آنکھ کےآپریشن کیلئے ان دنوں دبئ میں موجود ہیں جہاں وہ اپنی بیٹی بختاور کے بچوں کے ساتھ وقت گزارنا پسند کرتے ہیں۔