مالی مسائل سے دوچار عوام پر ایک بار پھر بجلی مہنگی کر کے کمر توڑ دی گئی۔ وفاقی حکومت نے رات گئے بجلی کک قیمت میں 7 روپے 50 پیسے فی یونٹ کا اضافہ کردیا۔
اے آر وائی نیوز مطابق موجودہ حکومت کی جانب سے بجلی 7 روپے 50 پیسے فی یونٹ تک مہنگی کر دی ہے اس کے علاوہ بجلی کے بنیادی ٹیرف میں 3 روپے سے ساڑھے 7 روپے فی یونٹ تک اضافہ کیا گیا ہے۔۔
اس خبر کے مطابق 100 یونٹ والے گھریلو صارفین کے لیے بجلی 3 روپے فی یونٹ مہنگی کرنے کی، 101 سے 200 یونٹ والے صارفین کے لیے 4 روپے فی یونٹ اضافے، 201 سے 300 یونٹ تک والے صارفین کے لئے 5 روپے فی یونٹ، 301 یونٹ سے 400 یونٹ تک 6 روپے 50 پیسے فی یونٹ، جب کہ 400 سے 700 یونٹ والے صارفین کے لیے 7 روپے 50 پیسے فی یونٹ اضافے کی تجویز دی گئی ہے۔
جبکہ بجلی کی قیمت میں حالیہ اضافے سے اوسط فی یونٹ ٹیرف 35 روپے 42 پیسے سے بڑھ کر 42 روپے 72 پیسے فی یونٹ ہو جائے گا، سیلز ٹیکس کے نفاذ کے بعد فی یونٹ قیمت 50 روپے تک پہنچ جائے گی، بنیادی قیمت میں اضافے کا اطلاق یکم جولائی سے کرنے کی تجویز دی گئی ہے، اور منظوری کے بعد جولائی کے بقایا جات بھی عوام سے وصول کیے جائیں گے۔