آج کے دور میں جب کورونا کے بعد پوری دنیا میں معاشی بحران ہے، اگر آپ کو مفت میں کہیں سے ہیرا مل جائے تو آپ کی زندگی بدل سکتی ہے، یہ خواب سچ ہوسکتا ہے اگر آپ وہاں چلے جائیں جہاں جگہ جگہ ہیرے بکھرے پڑے ہیں اور جس کو مل جاتے ہیں اسی کے ہوجاتے ہیں۔
امریکی ریاست آرکنساس میں ہیروں کی ایک ایسی کان ہے، جہاں ہر کوئی جا سکتا ہے۔ جگہ کے چاروں طرف ہیرے بکھرے پڑے ہیں۔ جہاں کوئی بھی عام آدمی جا کر ہیرے ڈھونڈ سکتا ہے، وہاں پر جسے ہیرا مل جائے وہ اس شخص کا ہو جاتا ہے۔
مسئلہ یہ ہے کہ عام طور پر کسی بھی کان میں جانا غیرمتعلقہ افراد کے لیے ممکن نہیں ہوتا ایک تو وہ زمین سے بہت گہرائی میں ہوتے ہیں دوسرا وہاں خطرہ بھی ہوتا ہے تاہم امریکی ریاست آرکنساس کی اس کان میں ہر کوئی جا سکتا ہے۔
آرکنساس نیشنل پارک میں موجود کان کی بالائی سطح پر اکثر ڈھونڈنے والوں کو ہیرے مل ہی جاتے ہیں۔یہاں 1906 میں ہیرے ملنا شروع ہوئے تھے اور اب تک یہاں سے ہزاروں کی تعداد میں ہیرے دریافت ہو چکے ہیں۔
اس جگہ کو ’ہیروں کا گڑھ کہا جاتا ہے۔ جان ڈہلسٹون نامی ایک شخص نے سب سے پہلے یہاں ہیرے کی کھوج کی تھی، انھیں 2 چمکتے ہوئے ہیرے ملے تھے۔ بعد میں زمین کے مالک جان نے اپنی 243 ایکڑ زمین ہیروں کی ایک کمپنی کو مہنگے داموں بیچ دی۔