کینیا کی لا سوسائٹی کی ریپڈ ایکشن ٹیم نے بہت عوامی شکایات موصول ہونے کے بعد 26 مقدمات جیتنے والے کینیا کے جعلی وکیل کوگرفتار کرلیا ہے۔
کینیا کے پبلک پراسیکیوشنز کے ڈائریکٹر رینسن میولے انگونگا کا کہنا ہے کہ برائن میوینڈا کو قانونی چارہ جوئی کا سامنا ہے، اس ضمن میں نیشنل پولیس سروس کے انسپکٹر جنرل کو تیز رفتار جامع تحقیقات کرنے کی ہدایت کردی گئی ہے۔
برائن موینڈا کافی عرصے سے خود کو ایک قابل وکیل کے طور پر پیش کرنے میں کامیاب رہے اور ججوں نے ان کی حالیہ گرفتاری تک ان کی صلاحیتوں پر شک نہیں کیا۔پولیس نے بتایا کہیہ شخص ایک بہروپیا ہے جس نے ایک حقیقی وکیل برائن میونڈا نٹویگا کی شناخت چرا لی تھی۔
ابلیت کے بغیر وکالت کرنے پر برائن موینڈا کوجہاں ان دنوں قانونی چارہ جوئی کا سامنا ہے وہیں عوام یہاں تک کہ ایک اہم سیاستدان تک ان کی حمایت پر کمر بستہ نظر آتے ہیں۔برائن میونڈا کا موقف ہے کہ وہ بے قصور ہیں اور انہوں نے لوگوں کا شکریہ ادا کیا جو ان کی حمایت میں سامنے آئے ہیں۔
یاد رہے کہ جعلی وکیل نے تربیت نہ ہونے کے باوجود 26 مقدمات جیتے ہیں تاہم کچھ عوامی شکایات کی وجہ سے لا سوسائٹی نے ملزم کیخلاف کارروائی کی جس میں جعلی وکیل ہونے کا انکشاف ہوا۔