"میری بہن کی شادی تھی اچانک ہی والد انتقال کرگئے جبکہ وہ بہت خوش تھے اور مہمانوں سے مل جل رہے تھے البتہ اسی دوران نماز کا وقت ہوا اور وہ بے جان ہوگئے۔ والد صاحب کو کسی قسم کی بیماری بھی نہیں تھی"
سعودی شہر ابہا کے مرحوم سماجی کارکن حسن بن محمد المری کے بیٹے محمد نے کہا کہ وہ پر جوش انداز میں شادی میں شریک تھے اور بہت خوش تھے۔ ہر باپ کی طرح ان کی بھی خواہش تھی کہ بیٹی کو اپنی دعاؤں کے سائے میں رخصت کریں لیکن انھیں یہ مہلت نہ ملی
مرحوم کے بیٹے کا کہنا تھا کہ سماجی کارکن کے طور پر مشہور ان کے والد نے ہمیشہ ہمیں نیکی کرنے اور ضرورت مندوں کی مدد کرنے کی ترغیب دی، والد نے ہمارے لیے لوگوں کو عطا کرنے اور محبت کرنے کا ایک عظیم ورثہ چھوڑا ہے۔ بہن کی شادی کے دن ان کی اچانک موت نے ان کے بچوں کو ہی نہیں بلکہ سبھی کو غمزدہ کردیا ہے۔