بندر کتنے چالاک اور ہوشیار ہوتے ہیں یہ تو سب ہی جانتے ہیں، یہ جہاں موقع دیکھتے ہیں وہاں لوگوں کے ساتھ شرارتیں کرنا شروع کردیتے ہیں۔
ایک ایسا ہی دلچسپ اور حیران کن واقعہ سوشل میڈیا پر دیکھنے کو ملا،جہاں بندر جناب رشوت لیتے دکھائی دیئے۔
ہوا کچھ یوں کہ، انڈونیشیا کے صوبے بالی میں خاتون سیاح کا موبائل فون بندر نے چھین لیا اور مضبوطی سے پکڑ کر اسے واپس کرنے سے انکار کر دیا۔
پھر خاتون سیاح کو اپنا موبائل واپس لینے کے لیے بندر کو بطور رشوت کھانے کی چیزیں دینا پڑیں۔ خاتون نے پہلے بندر کو پھل کا ایک ٹکڑا دیا جو اس نے لے تو لیا مگر فون واپس نہیں کیا اور دوسرے پھل کا مطالبہ کیا، جس کے بعد خاتون نے اسے دوسرا پھل دیا۔
تب جا کر بدمعاش بندر نے خاتون کا موبائل فون اسے واپس کیا۔