"دنیا بھر میں مشہور فوڈ چین کا یہ حال ہے کہ انھوں نے میل میں کھلونا رکھنے کھ بجائے ذائقہ بڑھانے کے لئے سگریٹ کا ادھ جلا ٹکڑا اور راکھ رکھ دی ہے"
برطانوی خاتون کا کہنا ہے کہ جب وہ اپنے ایک سالہ بچے کے لیے میل لے کر واپس آئیں تو یہ دیکھ کر حیران رہ گئیں کہ آلو کے چپس میں سگریٹ موجود ہے. اگر اتنا چھوٹا بچہ چپس سمجھ کر سگریٹ کھا لیتا تو؟
خاتون نے اس حوالے سے سوشل میڈیا پر تفصیلی پوسٹ شئیر کرتے ہوئے لکھا کہ جب میں نے فوڈ چین سے شکایت کرنے کی کوشش کی تو ان کا رویہ نہت برا تھا ان کی انتظامیہ نے مجھ سے بدتمیزی سے بات کی اور فون کاٹ دیا۔
سوشل میڈیا پر یہ پوسٹ آتے ہی دنیا بھر میں وائرل ہوگئی ہے اور لوگوں نے معروف فوڈ چین میں ملنے والے کھانے کے معیار پر سوال اٹھانے شروع کردیے ہیں.