کینسر سے پر سال لاکھوں افراد جان سے ہاتھ دھو بیٹھتے ہیں۔ امریکن کینسر سوسائٹی کے مطابق جان لیوا مرض کینسر کی سب سے عام قسم جلد کا کینسر ہے جو خاص طور پر دھوپ میں کام کرنے والے افراد کو متاثر کرتا ہے۔ لیکن اب 14 برس کے ایتھوپین نژاد امریکی طالب علم ہیمن بیکلے نے کینسر کا علاج کرنے والا صابن تیار کرلیا ہے جس سے کئی مریض فائدہ اٹھا سکتے ہیں۔
ہیمن بیکلے جو کہ 9 ویں جماعت کے طالبعلم ہیں، ایک مقابلے 3 ایم ینگ Scientist چیلنج کے لئے ایسا صابن تیار کیا ہے جس کے اجزاء انسانی جِلد میں ایسے خلیات کو متحرک کر تے ہیں جو کینسر سے متاثر خلیات کا مقابلہ کرتے ہیں۔ ایک طرح سے یہ کینسر کے خلاف قوت مدافعت کو تیز کرتا ہے۔ اپنے صابن کو مقابلے میں جمع کراتے ہوئے ویڈیو میں ہیمن بیکلے نے بتایا کہ “میں ہمیشہ سے بائیولوجی اور ٹیکنالوجی میں دلچسپی رکھتا تھا اور چاہتا تھا کہ میری ایجاد صرف سائنسی لحاظ سے ہی بہترین نہ ہو بلکہ زیادہ سے زیادہ افراد کو اس تک رسائی حاصل ہو“
ہیمن ہیکلے کی زبردست ایجاد کے بعد انھیں امریکا کے ٹاپ نوجوان سائنسدان کا ایوارڈ بھی دیا گیا ہے۔