بیٹے بڑھاپے کا سہارا سمجھے جاتے ہیں لیکن ایک بات اتنا مجبور اور لاچار ہوگیا ہے کہ اب وہ اپنے بیٹے کو بھی بیچنے کے لیے تیار ہے۔ اس مجبور اور لاچار باپ کا تعلق کہاں سے ہے اور یہ ایسا اقدام کیوں اٹھانا چاہتا ہے؟
بھارت کے شہر علی گڑھ میں سڑک پر قرض دار باپ بیٹے کو فروخت کرنے پر مجبور ہوگیا ہے۔ 45 سالہ راج کمار بھارت میں علی گڑھ کے ایک بس اسٹینڈ پر بیٹا برائے فروخت کا بینر گلے میں لٹکائے بیٹھے ہیں، بینر پر لکھا ہے کہ میرا بیٹا برائے فروخت ہے اسے میں بیچنا چاہتا ہوں ۔
میڈیا کے مطابق راج کمار نے گھر خریدنے کے لیے چندرا پال نامی شخص سے 50 ہزار روپے سود پر رقم ادھار لی تھی یکن چندرا پال کی ہیرا پھیری کے بعد راجکمار کو جائیداد اور پیسوں دونوں سے ہاتھ دھونا پڑا یہاں تک کہ وہ اس سے پہلے تک چندراپال کو 6 لاکھ روپے ادا کرچکے ہیں اور باقی ادائیگی کی کوشش کررہا ہے۔
راج کمار کا کہنا ہے کہ : اب چندراپال مجھے میرے بچوں کے سامنے بے عزت کرتا ہے، اس نے مجھے اور میرے بچوں کو مار پیٹ کر گھر سے بھی باہر نکال دیا ہے، میرے پاس روزگار کا ذریعہ ہی صرف میرا رکشہ تھا اس رکشے کو بھی چندراپال نے مجھ سے چھین لیا، میں نے جب چندرا پال پر مقدمے کیلئے پولیس اسٹیشن گیا تو انہوں نے ایف آئی آر کاٹنے سے انکار کردیا۔
میں قرضے سے تنگ آ کر 8 لاکھ میں اپنا چھوٹا سا بیٹا فروخت کرنا چاہتا ہوں‘۔