شاپنگ خواتین کا سب سے پسندیدہ مشغلہ سمجھا جاتا ہے اور کئی مرد حضرات بھی شاپنگ کا شوق رکھتے ہیں لیکن چین کے ایک شاپنگ مال میں گزشتہ 6 ماہ سے ایک شخص سیڑھیوں کے نیچے ڈیرہ جمائے بیٹھا تھاجس کو پولیس نے گرفتار کرلیا ہے۔
شنگھائی کے ایک شاپنگ مال میں ایک شخص سیڑھیوں کے نیچے گزشتہ 6 ماہ سے ڈیرہ جمائے بیٹھا تھااور 6 ماہ بغیر کسی مشکل کے شاپنگ مال کی سیڑھیوں کے نیچے اپنے شب و روز بسر کرتا رہا۔
سوشل میڈیا پر وائرل ویڈیو میں چینی شخص کو شاپنگ مال کی سیڑھیوں کے نیچے سلیپنگ ٹینٹ، ایک چھوٹی میز اور کرسی کے ساتھ دیکھا گیا۔اپنے قیام کے دوران چینی شخص لیپ ٹاپ اور موبائل فون شاپنگ مال کے الیکٹرک آؤٹ لیٹس سے چارج کرتا رہا۔
6 ماہ قبل اس نوجوان کو گارڈ نے مال میں منتقل ہوتے وقت پکڑ لیا تھا لیکن نوجوان نے گارڈ سے درخواست کی کہ وہ امتحان کیلئے ایک پرسکون جگہ کی تلاش میں ہے اور امتحان ہوتے ہی وہ مال سے چلا جائے گا جس کے بعد گارڈ نے اس نوجوان کو مال میں رہنے کی اجازت دی۔اب 6 ماہ بعد نوجوان کو ایک دوسرے سیکورٹی گارڈ نے پکڑ کر گرفتار کروادیا ہے۔