طیارے میں لوگ ڈھیروں پیسہ خرچ کر کے ایک اچھا سفر طے کرنے کی نیت سے جاتے ہیں لیکن اکثر طیارے کے اندر ایسے عجیب واقعات پیش آجاتے ہیں یا کوئی ایسا تکنیکی مسئلہ پیش آجاتا ہے جس کے یوں لگتا ہوگا کہ پیسے ضائع کر دیے۔
ایک بھارتی فلائٹ میں پہلی بار ایک عجیب واقعہ پیش آیا وہ یہ کہ جہاز کی چھت سے اچانک پانی مسافروں پر ٹپکنا شروع ہوگیا جس کی ویڈیو سوشل میڈیا پر وائرل ہوگئی۔
مذکورہ واقعہ ایئر انڈیا کے بوئنگ بی 787 میں میں پیش آیا جب مسافروں پر طیارے کی چھت سے پانی ٹپکنا شروع ہوگیا۔
سوشل میڈیا پر بھارتی طیارے بوئنگ بی 787 کی ویڈیو وائرل ہورہی ہے جس میں دیکھا جاسکتا ہے کہ مسافر اپنی سیٹوں پر بیٹھے ہیں۔ اسی دوران ڈریم لائنر کا کیبن لیک کرنا شروع ہوگیا اور پانی ان کے سروں پر گرنے لگا۔
بھارتی طیارہ دہلی سے لندن جارہا تھا جب یہ واقعہ رونما ہوا۔ دوران پرواز ہی اوور ہیڈ اسٹوریج ایریا سے پانی لیک ہونا شروع ہوگیا اور مسافر پریشان ہوکر رہ گئے۔