سیلاب میں پھنسے عامر خان کو کشتی میں ریسکیو کیا گیا

سمندری طوفان میچونگ انڈین ریاست آندھرا پردیش کے ساحل سے ٹکرا گیا ہے جس کے باعث پڑوسی ریاست تمل ناڈو میں بھی شدید بارشوں کے سبب سیلابی صورتحال پیدا ہوگئی ہے۔

خبر رساں ادارے روئٹرز کے مطابق طوفانی صورتحال کے سبب اب تک 13 افراد کی ہلاکت کی تصدیق ہو چکی ہے۔

تمل ناڈو کے شہر چنئی میں بارشوں کے سبب سیلابی صورتحال ہے اور پانی لوگوں کے گھروں میں داخل ہوگیا ہے۔

انڈین اداکار عامر خان اورتمل اداکار وِشنو وِشال بھی سیلابی صورتحال کے سبب چنئی میں پھنس گئے تھے جنہیں مقامی حکام نے کشتی کے ذریعے ریسکیو کروایا۔

تمل اداکار وِشنو وِشال نے منگل کی صبح ایک سوشل میڈیا پوسٹ میں اپنے گھر کی تصاویر شیئر کیں جو چاروں اطراف سے پانی میں گِھرا ہوا تھا۔ انہوں نے اپنی پوسٹ میں لکھا کہ ’پانی میرے گھر میں داخل ہوگیا ہے اور اس کی سطح بُری طرح سے بڑھ رہی ہے۔‘

Thanks to the fire and rescue department in helping people like us who are stranded

Rescue operations have started in karapakkam..Saw 3 boats functioning already

Great work by TN govt in such testing times

Thanks to all the administrative people who are working relentlessly https://t.co/QdoW7zaBuI pic.twitter.com/qyzX73kHmc

— VISHNU VISHAL - VV (@TheVishnuVishal) December 5, 2023

کچھ گھنٹوں بعد انہوں نے مزید تصاویر شیئر کیں جس میں اُن کے ساتھ عامر خان بھی کشتی میں سوار نظر آئے۔

تمل اداکار نے اپنی دوسری پوسٹ میں لکھا کہ فائر اینڈ ریسکیو ڈپارٹمنٹ نے اُن کی مدد کی اور کشتی کے ذریعے سیلابی علاقے سے نکالا۔

Thanks for the appreciation @TheVishnuVishal and please do thank the gentleman next to you for being such a class human being ! Astounding that he didn't try to pull any strings to be rescued ! Awesome to see him being so grounded and WAITING HIS TURN to be rescued just like any… https://t.co/3ByJr8jRRs

— Dr. T R B Rajaa (@TRBRajaa) December 5, 2023

وِشنو وِشال کی پوسٹ پر تبصرہ کرتے ہوئے تمل ناڈو کے وزیر ٹی آر بی راجا نے عامر خان کی تعریف کرتے ہوئے تمل اداکار کو مخاطب کرکے کہا کہ ’میری طرف سے اپنے برابر میں کھڑے اچھے شخص کا بھی شکریہ ادا کیجیے گا کہ وہ ایک اچھے انسان ہیں اور انہوں نے خود کو ریسکیو کروانے کے لیے کسی سفارش کا سہارا نہیں لیا۔‘

انہوں نے مزید لکھا کہ عامر خان نے سفارش کروانے کے بجائے عام شہریوں کی طرح مدد کا انتطار کیا۔