ابوجا ۔9جنوری (اے پی پی):نائیجیریا کے صوبہ آنامبرا میں ایک مسافر کشتی ڈوبنے کے نتیجے میں ابتدائی معلومات کے مطابق 5 افراد ہلاک ہو گئے ہیں۔ٹی آرٹی نے قومی ذرائع ابلاغ کا حوالہ دیتے ہوئے بتایا کہ صوبہ کوگی سے صوبہ آنامبرا کی طرف عازمِ سفر مسافر کشتی دریائے نائجر میں ڈوب گئی ہے واقعے میں 5 افراد ہلاک ہو گئے جبکہ 30 کو بچا لیا گیا ہے۔حکام کے مطابق امدادی کاروائیاں جاری ہیں تاہم کشتی کے مسافروں کی درست تعداد فوری طورپر معلوم نہیں ہو سکی۔اموات کی تعداد میں اضافے کا اندیشہ ہے۔