کویت سٹی۔18جنوری (اے پی پی):امیر کویت شیخ مشعل الاحمد الجابر الصباح نے نئی حکومت کی تشکیل کا شاہی فرمان جاری کردیا۔
اردو نیوز کے مطابق شاہی فرمان کے مطابق شیخ ڈاکٹر محمد صباح السالم نئی حکومت کی سربراہی کریں گے۔ شاہی فرمان میں کہا گیا ہے کہ کویت کے دستور کے مطابق ملک کے امیر نے کابینہ اور حکومت کے سربراہ کا تعین کیا ہے۔ شاہی فرمان کے مطابق فہد یوسف الصباح نائب وزیر اعظم اور قائم مقام وزیر داخلہ ہوں گے۔ڈاکٹر عمار العتیقی وزیر تیل، عبد الرحمن بداح المطیری وزیر اطلاعات، ڈاکٹر احمد عبد الوہاب العوضی وزیر صحت، عبد اللہ علی عبد اللہ الیحیا وزیر خارجہ اور عبد اللہ حمد الجوعات وزیر تجارت ہوں گے۔