ریاض ۔31جنوری (اے پی پی):خادم حرمین شریفین شاہ سلمان بن عبد العزیز نے جمعرات کو ملک بھر میں نماز استسقا ادا کرنے کی ہدایت کی ہے۔سعودی پریس ایجنسی کے مطابق شاہی دربار کی جانب سے جاری بیان میں کہا گیا ہے کہ شاہ سلمان کی ہدایت پر جمعرات کو نماز استسقا پڑھی جائے گی۔
ایوان شاہی نے کہا ہے کہ سنت نبویؐ کی پیروی کرتے ہوئے باران رحمت کے نزول کے لیے لوگ صدقات خیرات اور توبہ و استغفار کریں۔ خادم حرمین شریفین شاہ سلمان بن عبد العزیز کی ہدایت پر مسجد الحرام اور مسجد نبوی سمیت ملک بھر کی مساجد میں نماز استسقا ادا کی جائے گی۔