تل ابیب ۔20فروری (اے پی پی):اسرائیلی وزیر اعظم بنجمن نیتن یاہو نے رمضان المبارک کے دوران فلسطینیوں کے مسجد الاقصی میں داخلے کے محدود کرنے کی منظوری دے دی ہے۔ ترک خبر رساں ادارے کے مطابق وزیر اعظم بنجمن نیتن یاہو نے ملکی سکیورٹی ایجنسی شین بیت کی جانب سے خبردار کئے جانے کے باوجود انتہائی دائیں بازو کی سیاسی جماعت سے تعلق رکھنے والے وزیر برائے قومی سلامتی وزیراتا مارا بین گویر کی جانب سے رمضان المبارک کے دوران فلسطینیوں کے مسجد الاقصی میں داخلے پر پابندی عائد کرنے کی سفارشات کی منظوری دے دی ہے۔
چینل 13 نےدعویٰ کیا ہے کہ نیتن یاہو انتظامیہ آنے والے دنوں میں اس معاملے پر باضابطہ فیصلہ کرے گی۔ انہوں نے کہا کہ شین بیت نے حکومت کو خبردار کیا ہے کہ رمضان المبارک کے دوران فلسطینیوں کو مسجد اقصیٰ میں داخلے سے روکنا حالات کو مزید کشیدہ کر دے گا۔سیکورٹی ایجنسی نے خبردار کیا کہ یہ فیصلہ مقبوضہ بیت المقدس، مغربی کنارے اور ارد گرد کے علاقوں میں 1948 میں اسرائیل کی ریاست کے اعلان کے وقت پیدا ہونے والی کشیدگی سے زیادہ خطرناک ہو سکتا ہے۔