ابوظہبی ۔24مئی (اے پی پی):متحدہ عرب امارات کی ریاست عجمان میں مصری شہری عبدالفتاح محمود عبدالفتاح نے اے ٹی ایم کیبن سے ملنے والے ایک لاکھ 49 ہزار درہم الشمیل پولیس سٹیشن کے حوالے کردیئےجس پر انہیں تعریفی سرٹیفیکٹ سے نوازا گیا ۔
اردو نیوز کے مطابق عجمان پولیس کے سربراہ کرنل غیث خلیفہ الکعبی نے مصری شہری عبدالفتاح محمود عبدالفتاح کو اپنے دفتر میں بلا کر ان کی ایمانداری پر ان کا شکریہ ادا کیا اور انہیں تعریفی سرٹیفیکٹ پیش کیا۔مصری شہری نے اس موقع پر عجمان پولیس کاشکریہ ادا کیا اور کہا کہ انہوں نے جو کچھ کیا وہ ان کا اخلاقی فرض تھا۔